सोमबार सुनको भाउ प्रतितोला १ लाख ५० हजार रुपैयाँ पुग्यो

काठमाडौं, साउन २१ । सुनको भाउले आज (साउन २१ गते) अर्को नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार सोमबार २४ क्यारेट (छापावाल) सुनको भाउ प्रतितोला ३०० रुपैयाँले बढेर १ लाख ५० हजार रुपैयाँ कायम भएको छ ।

यसअघि साउन १८ गते पनि सुनको मुल्यमा रेकर्ड कायम भएको थियो । सो दिन २४ क्यारेट (छापावाल) सुन प्रतितोला १ लाख ४९ हजार ९०० रुपैयाँमा कारोबार भएको थियो । आइतबार भने २४ क्यारेट (छापावाल) सुन प्रतितोला १ लाख ४९ हजार ७०० रुपैयाँ कायम रहेको थियो ।

यसैगरी, २२ क्यारेट सुनको मूल्य तोलाको १ लाख ३७ हजार ७२५ रुपैयाँ निर्धारण रहेको थियो । सोमबार चाँदीको भाउ भने स्थिर रहेको छ । आज चाँदीको भाउ प्रतितोला १७ सय ९५ रुपैयाँ कायम रहेको छ । यसअघि आइतबार पनि चाँदी सोही भाउमा किनबेच भएको थियो ।