काठमाडौं, साउन ३ । चालु आर्थिक वर्ष २०८१/८२ को मौद्रिक नीति यही साउन ४ गते अर्थात भोलि शुक्रवार सार्वजनिक गरिने भएको छ । नेपाल राष्ट्र बैंकले शुक्रवार नै मौद्रिक नीतिक ल्याउने निर्णय गरेको हो ।
मंगलबार अर्थमन्त्री विष्णु पौडेल तथा नेपाल राष्ट्र बैंकका गर्भनर महाप्रसाद अधिकारीबीच भएको छलफलपछि शुक्रबार नै मौद्रिक नीति सार्वजनिक गर्ने तयारी गरिएको हो । यसअघि दुई साताभित्र अर्थात साउन १५ गते भित्र मौद्रिक नीति ल्याउने राष्ट्र बैंकको तयारी थियो ।
शुक्रबार नै मौद्रिक नीतिक सार्वजनिक गर्नका लागि त्यसमा गरिने व्यवस्थाका बारेमा नेपाल राष्ट्र बैंकको व्यवस्थापन समितिमा छलफल प्रारम्भ भैसकेको बताइन्छ ।
राष्ट्र बैंकको आर्थिक अनुसन्धान विभागको मौद्रिक नीति तर्जुमा कार्यविधिले समेत अन्तर विभागीय छलफलको सुझावसमेत समावेश गर्दै व्यवस्थापन समितिमा मस्यौदा पेस गर्नुपर्ने व्यवस्था गरेको छ ।
आज व्यवस्थापन समितिको छलफल सम्पन्न भएपछि शुक्रवार बोर्डबाट निर्णय गरी मौद्रिक नीति सार्वजनिक गर्ने राष्ट्र बैंकले तयारी गरेको बताइएको छ ।
Published Date: 18 July 2024
