काठमाडौं, साउन २ । मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् ।
गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली रहेको थियो । अब सो भूमिकामा मोड्रिच देखिने छन् ।
रियलले गत सिजन ला लिगा र च्याम्पियन्स लिग जितेको थियो । मोड्रिचको त्यो छैठौं च्याम्पियन्स लिग उपाधि रहेको थियो । हाल युवा खेलाडीमा जोड दिइरहेको रियलका लागि मोड्रिचको अनुभव अमूल्य साबित भएको छ ।
नयाँ अनुबन्ध एमबाप्पेले ९ नम्बरको जर्सी लिएपछि मोड्रिचले रियलमा १० नम्बरको जर्सी लाई निरन्जातरता दिनेछन्। युरो २०२४ बाट बाहिरिएपछि मोड्रिचले रियलको अमेरिकामा हुने प्रि-सिजनमा समेल हुने अपेक्षा गरिएको छ ।
न्यु जर्सीमा बार्सिलोनासँगको भेटअघि सिकागोमा एसी मिलानसँगको प्रिसिजनमा रियलको पहिलो भिडन्त रहनेछ ।–एजेन्सी
Published Date: 17 July 2024
