मुम्बई, साउन १ । एशियाका सबैभन्दा धनाड्य मुकेश अम्बानीका कान्छा छोरा अनन्त अम्बानी तथा राधिका मर्चेन्टको विवाह भव्यताबीच सम्पन्न भएको छ ।
अम्बानीले बलिउड अभिनेता शाहरुख खानदेखि रणवीर सिंहसम्म, मिजान जाफरीदेखि वीर पहाडियासम्मलाई करोडौँ रुपैयाँको घडि उपहार स्वरुप प्रदान गरेको भारतीय सञ्चार माध्यमहरुले उल्लेख गरेका छन् ।
यो विवाहमा भारत बाहिरबाट समेत पाहुनाहरु बोलाइएको थियो । अनन्तका विशेष मित्रहरुमा मिजान जाफरी, शिखर धवन तथा हार्दिक पाण्ड्यादेखि वीर पहाडियासम्म समावेश थिए । आफ्ना परम मित्रहरुका लागि अनन्तले विशेष उपहारस्वरुप लग्जरी ब्रान्ड एउडिमार्ड पिगउटको घडि दिएका छन्, जसको मूल्य करोडौँ रुपैयाँ रेहेको छ ।
विशेष पाहुनाका लागि दिइएको उक्त घडिको मूल्य करिव डेढ करोडदेखि दुई करोड भारतीय रुपैयाँसम्मको रहेको छ । १८के रोज गोल्डले बनेको यो घडीमा सफायर क्रिस्टलजडित डार्क ब्लू डायल रहेको छ । लिमिटेड एडिशनका २५ थान घडि अनन्तले आफ्ना विशेष मित्र तथा आफन्तका लागि मगाएका थिए ।
