नयाँ सरकार गठनबारे ओलीको कार्यकक्षमा कांग्रेस–एमाले छलफलमा

राष्ट्रपति कार्यालयको पत्र पर्खिदै, हस्ताक्षर तयार

नयाँ सरकार गठनबारे ओलीको कार्यकक्षमा कांग्रेस–एमाले छलफलमा : Icon Khabar

काठमाडौं, असार २८ । नयाँ सरकार गठनका लागि नेपाली कांग्रेस र नेकपा एमालेका नेताहरुले छलफलमा जुटेका छन् । नयाँ बानेश्वरस्थित संसद भवनको एमाले अध्यक्ष केपी शर्मा ओलीको कार्यकक्षमा कांग्रेस र एमालेका नेताहरुबीच छलफल भइरहेको छ ।

प्रतिनिधिसभाको आज (शुक्रबार) को बैठकबाट विश्वासको मत नपाएर  पुष्पकमल दाहाल ‘प्रचण्ड’ को सरकार ढलेपछि कांग्रेस र एमालेबिच नयाँ सरकार गठनका लागि संवाद जारी छ । एमाले अध्यक्ष ओलीको नेतृत्वमा नयाँ सरकार गठनका लागि असार १७ मै कांग्रेस र एमालेबीच सहमति भएको थियो । सोही अनुसार सरकार गठनका लागि कांग्रेस र एमालेका नेताहरु गृहकार्यमा जुटेका छन् ।

अहिलले प्रधानमन्त्रीले विश्वासको मत नपाएको पत्र शितल निवासमा पुर्‍याउँदैछ । संसद सचिवालयको पत्र पुगेपछि संविधानको धारा ७६ (२) अनुसार नयाँ सरकार गठनको लागि आह्वान गर्ने कांग्रेस एमालेको विश्वास छ । दुई दलबीच एमालेका अध्यक्ष केपी शर्मा ओलीलाई प्रधानमन्त्री बनाउने सहमति भएको छ ।

एमालेका सचिव योगेश भट्टराईले कांग्रेस एमालेसहित नयाँ सरकारलाई समर्थन गर्नेहरुको हस्ताक्षर संकलन भइसकेको जानकारी दिए । उनले भने, ‘कांग्रेस एमालेको हस्ताक्षर भइसकेको छ, अन्य समर्थन गर्ने दलको पनि हस्ताक्षर संकलन हुँदैछ । राष्ट्रपतिबाट आह्वान भयो भने दाबी आजै बुझाइन्छ ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
Published Date: 12 July 2024
Website | + posts






ताजा
अक्सफोर्ड प्राक्टिकल स्कूलमा कक्षा ११ व्यवस्थापन तथा मानविकी संकायमा भर्ना खुला
सल्लाघारीको निकोल्सन कलेज/सेकेण्डरी स्कुलमा नयाँ शैक्षिक सत्रका लागि कक्षा ११ मा भर्ना खुला
ख्वप माध्यमिक विद्यालयलमा कक्षा ११ को प्रवेश परीक्षा भोलि
पाकिस्तानमा पाँच तले भवन भत्किँदा कम्तीमा छ जनाको मृत्यु








ट्रेन्डिङ
रोपाई जात्रा अझ रमाइलो: आरम्भ वाद्यशालाका युवा वाद्यवादकद्वारा नेवा बाँसुरी धूनको प्रस्तुति
सूर्यविनायक-अरनिको राजमार्गको हरविजोग, बाटो बनाउन अझै कति म्याद थप्नु पर्ने हो ?
मध्यपुर थिमिको बालकुमारी मन्दिर परिसरमा रक्तदान कार्यक्रम सम्पन्न
आइकन खबरको आयोजनामा यहि असार १४ गते रोपाईं जात्रा तथा दही चिउरा कार्यक्रम हुने