काठमाडौं, असार १८ । सुनको भाउ लगातार ४ दिन बढेको छ । यो ४ दिनमा सुनको भाउ १५ सय रुपैयाँ बढेको छ ।
नेपाल सुन–चाँदी व्यवसायी महासंघका अनुसार मंगलबार पनि छापावाल सुन प्रतितोल १०० रुपैयाँले बढेर १ लाख ४२ हजार ३०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ४१ हजार ६०० रुपैयाँ निर्धारण भएको छ ।
यसअघि शुक्रबार, आइतबार र सोमबार पनि सुनको भाउ क्रमशः प्रतितोला १०००, २०० र २०० रुपैयाँले बढेको थियो । यसअघि सोमबार सुनको मूल्य १ लाख ४२ हजार २०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ४१ हजार ५०० रुपैयाँ निर्धारण भएको थियो ।
यता, मंगलबार चाँदीको भाउ पनि तोलामा १५ रुपैयाँले बढेर १८ सय ५ रुपैयाँ कायम भएको छ । सोमबार चाँदीको भाउ तोलाको १७ सय ९० रुपैयाँ कायम रहेको थियो ।
Published Date: 02 July 2024
