काठमाडौँ, जेठ ९ । श्रेयस अय्यरको कप्तानी रहेको कोलकाता नाइट राइडर्स (केकेआर) ले विष्फोटक प्रदर्शन गर्दै इन्डियन प्रीमियर लीग (आईपीएल) २०२४ को फाइनलमा प्रवेश गरेको छ । केकेआरको यो आईपीएल इतिहासमा चौथो पटक फाइनलमा प्रवेश भएको छ ।
मंगलवार राति केकेआरले आईपीएल २०२४ को पहिलो क्वालिफायर खेल खेलेको हो , जसमा प्याट कमिन्सको कप्तानी रहेको सनराइजर्स हैदराबाद (एसआरएच) लाई ८ विकेटले पराजित गर्न सफल भयो । यो हारपछि पनि हैदराबादको टीमले अर्को एक मौका पाएको छ र यो टीमले क्वालिफायर–२ समेत खेल्न पाउने छ ।
केकेआरले यसअघि २०१२ तथा २०१४ को आईपीएल सीजनको फाइनलमा प्रवेश गरेको थियो र दुबै पटक गौतम गम्भिरको कप्तानीमा उपाधि नै जितेको थियो । त्यसपछि २०२१ सीजनमा ओएन मोर्गनको कप्तानीमा फाइनलमा पुगेको थियो, त्यो बेला चेन्नई सुपर किङ्ससंग फाइनलमा हारेको थियो । अहिले चौथो पटक फाइनलमा प्रवेश गरेको हो ।
यो क्वालिफायर–१ प्रतिस्पर्धामा टस जितेर पहिला ब्याटिङ गर्दै हैदराबादले १६० रनको लक्ष्य प्रस्तुत गरेको थियो । यसको जवाफमा केकेआरले दुई विकेट गुमाएर १३.४ ओभरमै खेल आफ्नो पक्षमा पार्दै फाइनलमा प्रवेश गर्यो ।
केकेआरका लागि कप्तान श्रेयस अय्यरले २४ बलमा अविजित ५८ रनको इनिङ खेले भने वेंकटेश अय्यरले २८ बलमा अविजित ५१ रन बनाए । दुबैले तेस्रो विकेटका लागि ४४ बलमा ९७ रनको अविजित साझेदारी गरे । हैदराबादका लागि प्याट कमिन्स तथा टी नटराजनले समान एक विकेट लिए ।
त्यसअघि, अमहदाबादको नरेन्द्र मोदी स्टेडियममा जारी यो खेलमा हैदराबादका कप्तान प्याट कमिन्सले टस जितेर पहिला ब्याटिङ गर्दै केकेआर टीमलाई जीतका लागि १६० रनको लक्ष्य प्रस्तुत गरेको थियो ।
टस जितेर पहिला ब्याटिङ गर्दै हैदराबाद टीमको सुरुवात निकै खराब रह्यो । टीमले ३४९ रनमै चार विकेट गुमाएको थियो । त्यसपछि राहुल त्रिपाठीले ३५ बलमा ५५ रन तथा हेनरिक क्लासेनले २१ बलमा ३२ रनको इनिङ खेलेर टीमलाई १५९ रनको सम्मानजनक योगफलसम्म पुर्याए ।
त्रिपाठी तथा क्लासेनबीच पाँचौं विकेटका लागि ३७ बलमा ६२ रनको साझेदारी भयो । खेलको अन्त्यमा प्याट कमिन्सले ३० रन जोडे । उनीहरुबाहेक अन्य कुनै पनि ब्याट्सम्यानले २० रनको आँकडा छुन सकेनन् । जबकि, केकेआरको टीमका लागि तिब्र गतिका बलर मिचेल स्टार्कले सबैभन्दा बढी तीन विकेट लिए भने वरुण चक्रवर्तीले दुई विकेट लिए । वैभव अरोडा, सुनील नारायण, आन्द्रे रेसल तथा हर्षित राणाले एक–एक सफलता हासिल गरेका थिए ।
Published Date: 22 May 2024-
Icon Khabarhttps://iconkhabar.com/author/iconkhabar-news
-
Icon Khabarhttps://iconkhabar.com/author/iconkhabar-news
-
Icon Khabarhttps://iconkhabar.com/author/iconkhabar-news
-
Icon Khabarhttps://iconkhabar.com/author/iconkhabar-news