काभ्रे, चैत १२ । काभ्रेको बनेपामा बस दुर्घटना हुँदा १२ जना घाइते भएका छन् । आज (सोमबार) बिहान साढे १० बजेतिर बनेपा नगरपालिका–१२ बाँसडोल थुम्कामा बा २ ख ९४५६ नम्बरको बस दुर्घटनामा परेको हो ।
बाँसडोलबाट बनेपा आउँदै गरेको बस आफै अनियन्त्रित भई स्थानीय शिवप्रसाद ज्ञावलीको साढे दुई तल्ले पक्की घरको गेटमा ठक्कर खाएको प्रहरीले जनाएको छ । दुर्घटनामा परेको बसमा ३० जना सवार थिए । जसमध्ये १२ जना घाइते भएका जिल्ला प्रहरी कार्यालय काभ्रेले जनाएको छ । घाइतेलाई शिरमेमोरीयल अस्पताल बनेपा पठाएको छ। दुर्घटनामा परेको बसका चालक पनि घाइते छन् ।
Published Date: 25 March 2024
