भक्तपुर, फागुन २६ । तेश्रो भक्तपुर कप २०८० को फ़ाइनलका खेल आज हुँदैछ।
आज पाण्डुबजार फ्रेन्डशीप क्लब र सामाजिक युथ क्लबबीच उपाधिका लागि प्रतिस्पर्धा हुँदैछ। आजको समापन समारोह बिहान ११ बजे हुने आयोजक भक्तपुर युवा टीमले जानकारी दिएको छ।
प्रतियोगिताको पहिलो हुन सफल टीमलाई नगद रु एक लाख २५ हजार र द्वितीय हुने टोलीलाई ६५ हजार रुपैयाँ नगद पुरस्कार प्रदान गरिने जनाइएको छ । प्रतियोगिता भक्तपुर नगरपालिका वडा नं ७ स्थित महेश्वरी खेल मैदानमा भैरहेको छ।
प्रतियोगितामा कुल १६ वटा टीमहरुको सहभागिता रहेको थियो । त्यसमा भक्तपुर जिल्लाका ११ वटा टीमहरु रहेका थिए । भक्तपुरको भक्तपुर नगरपालिकाबाट ५ वटा, सूर्यविनायक नगरपालिकाबाट तीन वटा र चाँंगुनारायण नगरपालिबाट तीन वटा टोलीहरु प्रतिस्पर्धामा सहभागी रहेका थिए । आजको समापन समरोहमा सांगीतिक प्रस्तुति पनि रहनेछ।
यो खबर पढेर तपाईलाई कस्तो महसुस भयो ?
+1
+1
+1
+1
+1
