काठमाडौं, माघ १९ । काठमाडौंको दरबारमार्गस्थित क्यासिनो प्यालेसबाट प्रहरीले एक करोड रुपैंयाँसहित नौं जनालाई पक्राउ गरेको छ । क्यासिनो प्यालेसको अण्डर ग्राउन्डमा अनलाइन सट्टेबाटी गर्दै गरेका उनीहरूलाई गए राति पक्राउ गरिएको हो । पक्राउ पर्नेहरूमा ६ नेपाली र तीन भारतीय नागरिक छन् ।
पक्राउ परेकाहरूको साथबाट प्रहरीले करिब एक करोड रुपैयाँ नगद बरामद गरेको छ । काठमाडौं प्रहरी परिसरका प्रमुख एसएसपी भुपेन्द्र खत्रीले पक्राउ परेकाहरूमाथि थप अनुसन्धान भइरहेको बताए । ‘अनलाइन सट्टेबाजी खेल्दै गरेको अवस्थामा पक्राउ परेका हुन्, हामी थप अनुसन्धान गर्दैछौँ’, एसएसपी खत्रीले भने ।
Published Date: 02 February 2024
