काठमाडौँ, पुस २६ । निरन्तर चार कारोबार दिनदेखि सुनको मूल्यमा गिरावट आएको छ । सोमबारदेखि घट्न सुरु गरेको सुनको मूल्य आज बिहीबार पनि निरन्तरता दिएको हो ।
आज सुन प्रतितोला दुई सय रुपैयाँले घटेको छ । नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख १८ हजार ३०० रुपैयाँ र तेजाबी सुन प्रतितोला एक लाख १७ हजार ७५० रुपैयाँमा कारोबार भइरहेको छ ।
बुधबार छापावाला सुन प्रतितोला एक लाख १८ हजार ५०० रुपैयाँ र तेजावी सुन प्रतितोला एक लाख १७ हजार ९५० रुपैयाँमा खरिद बिक्री भएको थियो ।
यस्तै चाँदीको मूल्य आज स्थिर रहेको छ । चाँदीको मूल्य प्रतितोला एक हजार ४१० रुपैयाँमा खरिद बिक्री भएको छ ।
Published Date: 11 January 2024
