काठमाडौं, पुस १८ । बुधबार नेप्से परिसूचक २७.९० विन्दुले बढेर २०५८ अंकमा आएको छ ।
आज ४ अर्ब रुपैयाँभन्दा बढीको सेयर कारोबार भएको छ । सूचीकृत सबै समूह बढेका छन् । ११ कम्पनीको मूल्य ९ प्रतिशतभन्दा माथिदेखि सर्किट लेबलसम्म बढेका छन् ।
आज ३०६ कम्पनीको १ करोड ५ लाखभन्दा बढी कित्ता सेयर कारोबार भएको छ । २६ करोड ६३ लाख रुपैयाँभन्दा बढीसहित कारोबार रकममा सोना मिनरल्स एन्ड आयल लिमिटेड अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः शिवम् सिमेन्ट्स र आइएमई लाइफ इन्सुरेन्स परेका छन् ।
