काठमाडौँ, पुस ११ । सानिमा बैंकको नयाँबजार शाखाले मोर्डन नेपाल कलेजको विद्यार्थीसँग वित्तिय साक्षरता कार्यक्रम सम्पन्न गरेको छ । कार्यक्रममा बैकिङ क्षेत्रले पुर्याउने महत्वको बारेमा सानिमा बैंकको तर्फबाट प्रबिण न्यौपानेले विस्तृत रुपमा जानकारी गराएका थिए ।
सो क्रममा उनले हाल नेपालको अर्थतन्त्र, नेपालको शेयर बजार , हालसलै राष्ट्र बैंकले जारी गरेको परिकृत निर्देशनले पार्ने प्रभावको बारेमा पनि प्रकाश पारेका थिए ।
साथसाथै सानिमा बैंकले अहिले प्रदान गरीरहेको बचत खाता र मुद्वती खाताका बारेमा समेत विस्तृत अन्तरकृया भएको थियो। मोर्डन नेपाल कलेजको विद्यार्थीहरुका मुख्य जिज्ञासा शेयर बजार र शेयर भर्दे सानिमा बैंकले निशुल्क रुपमा शेयर कारोबार गर्ने मिल्ने कुरा थाहा पाएपछि अबको कारोबार सानिमा बैंकमा गर्ने कुरा विद्यार्थीहरुले बताए।
कार्यक्रममा विभिन्न कर्जाको बारेमा समेत छलफल भएको थियो सो क्रममा विद्यार्थीहरुले शैक्षिक कर्जा लिने प्रक्रियाको बारेमा समेत सानिमा बैंकका तर्फबाट प्रबिण न्यौपानेले जानकारी गराएका थिए ।
अहिलेको युगमा डिजिटल बैंकको बारेमा र सानिमा बैंकले प्रदान गरेको डिजिटल बैकिङको बारेमा सानिमा बैंकको तर्फबाट सुरेन्द्र रिमालले प्रकाश पारेका थिए । सो क्रममा मोबाइल बैकिङ वा डिजिटल बैकिङ जोखिम व्यवस्थापनका बारेमा समेत छलफल भएको थियो ।
सानिमा बैंकले वित्तिय साक्षरता कार्यक्रमले विद्यार्थीलाई यती महत्वपूर्ण जानकारी गराएकोमा मोर्डन नेपाल कलेजका तर्फबाट कलेजका संयोजक राजेश कुमार न्यौपानेले आगामी दिनमा समेत यस्तै महत्वपूर्ण कार्यक्रम गदै जानेमा विश्वास व्यक्त गरेका थिए ।
