मुम्बई, पुस २ । पछिल्लो केहि दिनदेखि बलिउड सुपरस्टार अमिताभ बच्चनको परिवारबाट तनावका खबरहरु आइरहेका छन् । बच्चन परिवारका एक्लो छोरा अभिषेक बच्चन तथा बुहारी ऐश्वर्या राय बच्चनबीच खटपटको चर्चा लगातार चल्दै आइरहेको छ ।
यसैबीच, ऐश्वर्याले र अभिषेकबीच तनाव बढ्न थालेको बताइन्छ । सम्भवतः दुबैले अलग हुने निर्णय पनि लिन सक्छन् ।
पारिवारिक सुत्रका अनुसार ऐश्वर्या र अभिषेक अहिलेसम्म छोरी आराध्याका कारण संगै बस्थे । यद्यपि, अभिषेक र ऐश्वर्याको सम्बन्ध त वर्षौँ पहिला नै बिग्रन थालिसकेको थियो । तर अब दुबले ठूलो निर्णय लिने भएका छन् ।
यसैबीच ऐश्वर्याले श्रीमान् अभिषेक बच्चनको घर छाडेकी छिन् र उनी आफ्नो माइतमा आमासंग बस्न थालेकी छिन् । यद्यपि यसबारेमा अहिलेसम्म आधिकारिक भनाई भने आएको छैन ।
जहिलेदेखि अमिताभ बच्चनले आफ्नो मूल्यवान घर जलसा आफ्नी छोरी श्वेता बच्चनको नाममा पास गरिदिए, त्यहि समयदेखि अभिषेक र ऐश्वर्याबीचको तनाव तिव्रताका साथ सामाजिक सञ्जालमा आइरहेको छ । अहिले श्वेता जलसामा बस्न थालिसकेको बताइन्छ ।
