काठमाडौं, मंसिर २७ । धरान उपमहानगरपालिकाका मेयर हर्क साम्पाङले हालै राजधानीको भ्रमणका क्रममा काठमाडौं महानगरपालिकाका मेयर बलेन शाहसँग भेट गरेका छन् । भेटका क्रममा सम्पाङले मेयर शाहलाई भदगाउँले टोपी लगाइदिए ।
मंगलबार प्रधानमन्त्रीलाई भेट्न आएका साम्पाङले मेयर शाहलाई खुकुरी क्रस लगाएको कालो टोपी लगाइदिएका थिए । मेयर शाहले सम्पाङलाई शान्तिको प्रतीक बुद्धको प्रतिमा प्रदान गरेका थिए ।
रमाइलो वातावरणमा दुई मेयरबीचको सौहार्दपूर्ण भेटलाई धेरैले राम्रो मानेका छन् । अनौठो कार्यशैलीका कारण परिचित यी प्रतिष्ठित मेयरहरुको भेटपछि सामाजिक सञ्जालमा धेरै सकारात्मक प्रतिक्रियाहरु आएका छन् ।
‘बालेन र हर्कको जोडी सधै रहिरहोस्’ सामाजिक सञ्जालमा प्रवेश विष्टले लेखेका छन् । “यी दुई आशाका किरणहरू हुन्।”
भेटपछिको एक अन्तर्वार्तामा साम्पाङले भने, “बलेन र मेरो काम गर्ने शैली एउटै छ, म कडा छु!”
Published Date: 13 December 2023
