काठमाडौं, मंसिर १९ । सेयर बजार सुस्त रहनेक्रम मंगलबार पनि जारी रहेको छ । यस दिन नेप्से परिसूचक १०.१० विन्दुले घटेर १८३७.७१ अंकमा आएर अडिएको छ ।
१ अर्ब ५४ करोड रुपैयाँभन्दा बढीको सेयर कारोबार हुँदा एउटा कम्पनीमा सकारात्मक सर्किट लागेको छ । जीवन बिमाबाहेक बाँकी सबै समूहका सूचक घटेका छन् ।
आज २४६ कम्पनीको ४६ लाख ९८ हजारभन्दा बढी कित्ता सेयर कारोबार भएको छ । ३६ करोड २९ लाख रुपैयाँभन्दा बढीसहित कारोबार रकममा माउन्टेन इनर्जी नेपाल अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः सिटिजन लाइफ इन्सुरेन्स र एनआरएन इन्फ्रास्टक्चर एन्ड डेभलपमेन्ट कम्पनी परेका छन् ।
Published Date: 05 December 2023
