काठमाडौँ, मंसिर १८ । भक्तपुर चेम्बर अफ कमर्सको छैटौं वार्षिक साधारणसभा तथा तेस्रो अधिवेशन आइतबार सम्पन्न भएको छ।
आइतबार भएको अधिवेशनले नयाँ कार्यसमिति चयन गरेको छ । अधिवेशनले आइतबार दुई वर्षको कार्यकालका लागि कविदास श्रेष्ठको नेतृत्वमा नयाँ कार्यसमिति चयन गरेको हो।
चेम्बरको वरिष्ठ उपाध्यक्षमा सुरेन्द्र तुबन्जा श्रेष्ठ, उपाध्यक्ष एसोसिएट्समा जगतबहादुर श्रेष्ठ, उपाध्यक्षमा राधेसुन्दर साँयजू, माधवप्रसाद प्रजापति र चन्द्रभक्त श्रेष्ठ, महासचिवमा सुरेन्द्र जाकीबन्जार र कोषाध्यक्षमा ज्ञानेन्द्र मानन्धर निर्विरोध निर्वाचित भएका छन् ।
यसैगरी कार्यसमिति सदस्यमा न्हुछेराम धुख्वा, विजय हाछेथु, अष्टबज्र बज्राचार्य, पशुपति भुसाल, विक्रम प्रजापति, जीवन मारिखु, नानीबाबु थापा, कुलदीप जीसी, दीपककृष्ण प्रजापति र प्रश्रित भोयद्यो निर्वाचित भएका छन् ।
यसअघि समितिको अध्यक्षमा न्हुछेंरत्न मानन्धर अध्यक्ष रहेका थिए । उनी जिल्ला समितिको संस्थापक अध्यक्ष पनि हुन् । उनले दुई कार्यकाल सम्हालिसकेका छन् । साधारणसभा तथा अधिवेशनको उदघाटन नेपाल चेम्वर अफ कमर्सका केन्द्रिय अध्यक्ष राजेन्द्र मल्लले उदघाटन गरेका थिए ।
Published Date: 04 December 2023
