काठमाडौ, माघ ४। नेपालको चलचित्रकर्मी कल्याण कोषमा वरिष्ठ गायिका दीपानारायण झाले मंगलबार सहयोग गरेकी छिन। गायिका झा केहि दिन अघि पोखरामा हार्मोनी नेपालद्वारा आयोजित एक सांगीतिक कार्यक्रमका लागि नेपाल आइपुगेकी थिईन।
नेपाली चलचित्र क्षेत्रमा आबद्व चलचित्रकर्मीहरुको हितका लागि स्थापना गरिएको चलचित्रकर्मी कल्याण कोषका लागि वरिष्ठ गायक उदित नारायाण झा र दीपा झाको संयुक्त सहयोग भनि दीपा झाले रु ५ लाख १ सय ११ सहयोग हस्तान्तरण गरेकी हुन्।
सो कार्यक्रममा चलचित्र विकास बोर्डका अध्यक्ष्य भुवन केसी, कोषका संयोजक वसुन्धरा भुसालले उक्त सहयोग प्रति आभार ब्यक्त गर्दै गायक उदित नारायण झा अनि गायिका दीपा झाले नेपाली चलचित्र क्षेत्र अनि नेपाली गीत संगीतमा पुर्याएको योगदान अतुलनिय रहेको भनी प्रशंसा गरे। गायिका झाले नेपाली गीतमार्फत आफुले गायन जीवनमा पाएको उपलब्धि कहिले भुल्न नसक्ने कुरा ब्यक्त गरिन।
