काठमाडौँ, असोज २९ । नेपाल राष्ट्र बैंकले बैंक तथा वित्तीय संस्थालाई पहिलो त्रैमासिक वित्तीय विवरण सार्वजनिक गर्ने समय थप गरेको छ। केन्द्रिय बैंकले सोमबार एक सूचना जारी गर्दै कात्तिक १७ गतेसम्म समय थप गरेको हो।
केन्द्रीय बैंकको व्यवस्था अनुसार बैंक तथा वित्तीय संस्थाले त्रैमासिक वित्तीय विवरण त्रैमास सकिएको एक साताभित्र सार्वजनिक गर्नुपर्ने हुन्छ। तर कात्तिककाे पहिलो साता दशैँ परेकोले पनि केन्द्रीय बैंकले वित्तीय विवरण सार्वजनिक गर्ने समय लम्ब्याएको हो।
अब वाणिज्य बैंक, विकास बैंक र फाइनान्स कम्पनीहरुले कात्तिक १७ गतेसम्ममा चालु आर्थिक वर्षको पहिलो त्रैमासिक वित्तीय विवरण सार्वजनिक गर्नुपर्ने छ।
