काठमाडौँ, असोज ३ । ब्रोइलर कुखुराको मासुको मूल्य फेरि बढ्ने भएको छ । जिउँदो ब्रोइलर कुखुराको मूल्य बढेपछि मासुको मूल्य पनि महंगिने भएको हो ।
राष्ट्रिय कुखुरा बिक्री व्यवसायी संघको मंगलबारको बैठकले बुधबारदेखि लागू हुनेगरी जिउँदो ब्रोइलर कुखुराको बिक्री मूल्य बढाउने निर्णय गरेको छ ।
बैठकले जिउँदो ब्रोइलरको कोल्ड स्टोर खरिद मूल्य प्रतिकिलो १० रुपैयाँले बढाउने निर्णय गरेको हो। अब जिउँदो ब्रोइलर कुखुराको बिक्री मूल्य २८० रुपैयाँ कायम रहेको छ ।
पछिल्लो ८ दिनमा जिउँदाे ब्राेइलर कुखुराकाे कोल्ड स्टोर मूल्य तेस्रो पटक बढेकाे छ । भदौ २५ मा कुखराको एक किलाेकाे मूल्य २६० रुपैयाँ रहेकाे थियाे । भदौ २७ मा फेरि प्रतिकिलाे १० रुपैयाँले बढेर २७० रुपैयाँ पुगेकाे थियो । यसैगरी, ६ दिनपछि नै संघले ब्रोइलर कुखुराको मूल्य १० रुपैयाँ महंगाएकाे हाे ।
यसरी, जिउँदो कुखुराको मूल्य बढेसँगै तयारी मासु पनि प्रतिकिलो १५ रुपैयाँले बढ्नेछ । अब ब्रोइलर कुखुराको मासुको मूल्य बढेर ३९० रुपैयाँदेखि ४१५ रुपैयाँसम्म पुग्नेछ।
