काठमाडौं, भदौ १२ । लगानीकर्ताको मागलाई ध्यान राख्दै सीडीएससीले आजबाट अब खुल्ने हकप्रद सेयरको जानकारी मोबाइलमा म्यासेज पठाएर सुरु गरेको छ।
सीडीएससीका प्रमुख कार्यकारी अधिकृत पूर्णप्रसाद आचार्यका अनुसार सीडीएससीले सम्बन्धित कम्पनीहरुसँग समन्वय गरी यो कार्यको सुरुआत गरेको हो।
आचर्यले हकप्रद निष्कासनको पाउन सूचनाका लागि सबै लगानीकर्ताले मेरो सेयरमा सही नम्बर राख्न पनि समेत सुझाव दिए । उनले आफ्ना सेयरहोल्डरलाई सूचना दिने पहिलो दायित्व सम्बन्धित कम्पनीको हुने भएकोले यसरी म्यासेज पठाउन भने सम्बन्धित कम्पनीसँग समन्वय आबश्यक पर्ने बताए
साथै सबै कम्पनीको हकप्रद निष्कासनको सूचना सीडीएससीले नै लगानीकर्तालाई म्यासेज पठाएर दिनुपर्ने अनिवार्यता भने छैन। ‘कम्पनी स्वयंले आफैँ लगानीकर्तालाई हकप्रद निष्कासनबारे म्यासेज पठाएर जानकारी दिन सक्छन्’, आचार्यले भने, ‘यदि कम्पनीहरुले हकप्रद निष्कासन जानकारी गराइदिन आग्रह गरेमा मात्रै सीडीएससीले यो कार्य गर्ने हो।’
