काठमाडौं, भदौ ८ । काठमाडौं उपत्यकासहित कर्णाली र सुदूरपश्चिमबाहेक पाँच प्रदेशमा भइरहेको वर्षा शनिबार बिहानसम्म नै जारी रहने भएको छ ।
कर्णाली र सुदूरपश्चिम प्रदेशमा अहिले मौसम सुधार भइरहेको भए पनि बाँकी प्रदेशमा भने वर्षा भइरहेको छ ।
जल तथा मौसम पूर्वानुमान महाशाखाका मौसमविद् रोजन लामिछानेले वर्षा भोलि बिहानसम्म नै कायम रहने बताए । उनका अनुसार काठमाडौं उपत्यका तथा पूर्वी भेगमा भोलि पनि दिनभर मौसम खुल्ने सम्भावना छैन ।
मनसुनी न्यून चापीय प्रणाली सरदरभन्दा उत्तरतर्फ रहेकाले अहिले वर्षा भइरहेको हो । यो प्रणाली पूर्वतर्फ सरेकाले पर्सिबाट पश्चिमबाट पूर्वतर्पः मौसम क्रमशः खुल्दै जाने उनको भनाइ छ ।
Published Date: 25 August 2023
