काठमाडौँ, भदौ ५ । हाल देशभर सामान्यदेखि पूर्ण बदली रही केही स्थानमा हल्कादेखि मध्यम वर्षा भइरहेकाे जल तथा मौसमविज्ञान विभागले जनाएको छ । आज दिउँसो देशभर सामान्य बदली रहनेछ ।
गण्डकी, लुम्बिनी, कर्णाली र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानमा मेघ गर्जन-चट्याङसहित हल्कादेखि मध्यम वर्षाको सम्भावना छ । लुम्बिनी र सुदूरपश्चिम प्रदेशका थोरै स्थानहरूमा मेघ गर्जन-चट्याङसहित भारी वर्षा र एक–दुई स्थानमा धेरै भारी वर्षाको सम्भावना छ ।
आज राति देशभर सामान्य बदली रहनेछ । कोशी, मधेस र गण्डकी प्रदेशका केही स्थानमा र बाँकी प्रदेशका थोरै स्थानमा हल्कादेखि मध्यम वर्षाको सम्भावना छ ।
कोशी, मधेस र गण्डकी प्रदेशका थोरै स्थानमा मेघ गर्जन-चट्याङसहित भारी वर्षाको सम्भावना छ ।भक्तपुर नगरपालिकाबाट सहकारी अनुगमन
Published Date: 22 August 2023
