काठमाडौं, साउन २९ । नयाँ नेपाली फिल्म ‘नाङ्गो गाउँ’ को नयाँ गीत ‘पहिलो नम्बर’ मा सार्वजनिक भएको छ ।
भदौको २९ गतेदेखि प्रदर्शनमा आउने यो फिल्मको गीतमा किरण गजमेरको स्वर, राजेश अर्यालको शब्द तथा एसडी योगीको संगीत सुन्न सकिन्छ । संगीतकार योगीले यो गीतलाई रोमान्टिक शैलीमा तयार पारेका छन् । यो गीतमा कर्मा र साम्राज्ञी राज्यलक्ष्मी शाह रोमान्टिक देखिएका छन् । यो गीतमा रामजी लामिछानेको कोरियोग्राफी छ ।
दीपेन्द्र लामाको लेखन तथा निर्देशन रहेको ‘नाङ्गो गाउँ’ को गीतमा कर्मा र साम्राज्ञी राज्यलक्ष्मी शाहलाई प्रस्तुत गरिएको छ ।
यो फिल्ममा कर्मा र साम्राज्ञीसँगै दयाहाङ राई, मिरुना मगर, शिशिर वाङ्देल, बुुद्धि तामाङ, विशाल पहारी, राज थापा, कमलमणि नेपाल, अंकित खड्कालगायतका कलाकारको अभिनय छ ।
क्लब वर्क क्रियशन प्रा।लिको ब्यानरमा निर्माण भएको यो फिल्ममा जय श्रेष्ठको लगानी छ । रामहरि श्रेष्ठ कार्यकारी निर्माता रहेको
यो फिल्मका प्रस्तुतकर्ता हिमाल शर्मा हुन् ।
