काठमाडौं, साउन २३ । राष्ट्रपति रामचन्द्र पौडेल र नेपालका लागि इजिप्टका राजदूत नोहा हम्दी अहमदबीच शिष्टाचार भेट भएको छ।
सोमबार शितल निवासमा भएको भेटवार्तामा उनीहरुबीच द्विपक्षीय सम्बन्ध र आपसी हितका विविध विषयमा छलफल भएको थियो ।
सो अवसरमा राष्ट्रपति पौडेलले सन् २०२२ मा UNFCCC को पक्षहरूको सम्मेलन (कोप–२७) को २७औँ अधिवेशन सफलतापूर्वक सम्पन्न गरेकोमा इजिप्ट सरकारलाई बधाई दिएको राष्ट्रपति कार्यालयका प्रवक्ता शैलजा रेग्मी भट्टराईद्वारा जारी विज्ञप्तिमा उल्लेख छ ।
Published Date: 08 August 2023
