भक्तपुर, असार १७ । भक्तपुरको सूर्यविनायक नगरपालिका–७ गुण्डु तीनधारेमा स्कुटर दुर्घटना हुँदा एक जनाको मृत्यु भएको छ भने अर्का एक जना घाइते भएका छन् ।
शनिबार राति गुण्डु सूर्यविनायक नगरपालिका–७ बाट पाण्डु बजारतर्फ आउँदै गरेको बा ९३प ५८८१ नंको स्कुटर अनियन्त्रित भई दुर्घटना भएको हो । स्कुटर अनियन्त्रित हुँदा भक्तपुरको पाण्डुबजार–६ सूर्यविनायक बस्ने ४५ वर्षीय स्कुटर चालक कृष्णकुमार त्वातीको मृत्यु भएको हो ।
दुर्घटनापछि गम्भीर घाइते भएका उनलाई नजिकैको डा इवामुरा मेमोरियल अस्पताल सल्लाघारी भक्तपुर लैजाँदै गर्दा राति मृत्यु भएको प्रहरीले जनाएको छ ।
स्कुटरमा सवार १९ वर्षीया छोरी अनिता त्वातीलाई सामान्य चोट लागेको र उपचारपछि डिस्चार्ज गरिएको प्रहरी वृत्त भक्तपुरले जनाएको छ । घटनास्थलमा प्रहरी वृत्त जगतीका अनुसन्धान अधिकृतसहितको प्रहरी टोलीले प्रारम्भिक अनुसन्धान गरिरहेको छ ।
Published Date: 02 July 2023
