काठमाण्डौं माथि लुम्बिनीको जित

काठमाण्डौ, पुष २० । राजधानीमा जारी नेपाल टी– ट्वान्टी क्रिकेटमा लुम्बिनी अलस्टारले काठामाण्डौ नाईट्समाथि १०२ रनले जित निकाल्दै प्रतियोगिताको क्यालिफयर्समा प्रवेश गरेको छ । त्रिवि क्रिकेट मैदानमा भएको खेलमा १०२ रनले जित निकाल्दै लुम्बिनी क्यालिफायर्समा पुग्ने पहिलो टिम बनेको हो ।
१७ ओभरमा छोट्याइएको खेलमा पहिलो व्याटिङ गरेको लुम्बिनीले ६ विकेट गुमाउदै १८३ रन बनाएको थियो । १८४ रनको लक्ष्य पछ्याएको काठमाण्डौंले १५ दशमलव ४ ओभरमा अलआउट भएर ८१ रनमात्र बनाउन सक्यो । जिट संगै नौ खेलमा सात जित हात पारेको लुमिबनी १६ अंक सहित तालिकाको शीर्ष स्थानमा रहेको छ ।