काठमाडौं, असार ५ । नेपालको हवाई सुरक्षा प्रणालीमा सुधार गर्ने उद्देश्यले नेपाल नागरिक उड्डयन प्राधिकरण (क्यान) र फ्रान्सको नागरिक उड्डयन प्राधिकरणबीच सम्झौता भएको छ ।
फ्रान्सको राजधानी पेरिसमा आज दुई देशका उड्डयन नियामक निकायबीच प्राविधिक तथा मानव संसाधन व्यवस्थापन तथा विकासका लागि चार वर्षे समझदारी पत्रमा हस्ताक्षर भएको छ ।
समझदारी पत्रमा क्यानका महानिर्देशक प्रदीप अधिकारी र फ्रान्सेली नागरिक उड्डयन प्राधिकरणका तर्फबाट डेमियन केजले हस्ताक्षर गरेको क्यानले जनाएको छ । सम्झौताअनुसार प्राविधिक क्षमता अभिवृद्धि र तालिमलगायत हवाई सुरक्षाको गुणस्तर सुधार गर्ने काम गरिनेछ ।
Published Date: 20 June 2023