काठमाडौं, असार ४ । रेडियो कान्तिपुरले २४ औं वार्षिकोत्सवको अवसरमा नेशनल म्युजिक अवार्ड कार्यक्रम यही असार २२ गते आयोजना गर्ने भएको छ । अवार्ड कार्यक्रममा नेपाली गीत सङ्गीतको विकासमा टेवा पुर्याउने विभिन्न १५ विधाका कलाकारलाई अवार्ड प्रदान गरिने भएको छ ।
पाँचौं अवार्ड कार्यक्रममा एक जना मूर्धन्य सङ्गीत साधकलाई १ लाख रुपैया नगदसहित लाइफ टाइम एचिभमेन्ट अवार्ड प्रदान गरिने कार्यक्रम निर्देशक भूपेन्द्र खड्काले बताए । उनका अनुसार अवार्डका लागि ७५ जना स्रष्टाको मनोनयन छ । कार्यक्रममा प्रकाश सपुत, स्वप्न सुमन, समीर श्रेष्ठ, सुशान्त केसी, शिव परियार, सुवानी मोक्तान, सन्दिप क्षेत्री, इन्डियन आइडलका २०१८ का विजेता सलमान अली लगायत कलाकारको साङ्गीतिक प्रस्तुति हुनेछ ।
Published Date: 19 June 2023
