काठमाडौं, वैशाख ३० । सहिद स्मारक ए डिभिजन लिग अन्तर्गत शनिबार तीन खेल हुँदैछन् । दशरथ रंगशाला र च्यासल मैदानमा हुने खेलमा लिगको शीर्ष भागमा रहेका टोलीले एक अर्कासँग प्रतिस्पर्धा गर्नेछन् ।
दिउँसो ३ बजे दशरथ रंगशालामा चर्च ब्वाइज युनाइटेडले त्रिभुवन आर्मी फुटबल क्लबको सामना गर्नेछ । पछिल्लो ४ खेलमा लगातार जित दर्ता गरेको चर्च ब्वाइज शीर्ष स्थानमा उक्लन चाहन्छ । जावलाखेलसँग समान अंक रहेपनि हेड टु हेडमा पछि परेको चर्च ब्वाइजका लागि अन्जन विष्ट र अनन्त तामाङ चोटबाट फर्कनु सुखद बनेको छ । दुवैले एकसाथ खेलेको खेलमा चर्च ब्वाइज अपराजित छ ।
पहिलो लेगमा आर्मीसँग १-० ले हारेयता चर्च ब्वाइजले लिगमा लगातार जित हासिल गरेको छ । आजको खेलमा आर्मीका तीन खेलाडी प्रतिबन्धमा रहनेछन् । तीन पहेंलो कार्डका कारण कप्तान भरत खवास, डिफेन्डर विमल पाण्डे र विंगर सुदिल राई उपस्थित हुने छैनन् । आर्मी यसैपनि पछिल्लो ४ खेलमा जितविहिन छ ।
दिउँसो ३ बजे दशरथ रंगशालामा चर्च ब्वाइज युनाइटेडले त्रिभुवन आर्मी फुटबल क्लबको सामना गर्नेछ । पछिल्लो ४ खेलमा लगातार जित दर्ता गरेको चर्च ब्वाइज शीर्ष स्थानमा उक्लन चाहन्छ । जावलाखेलसँग समान अंक रहेपनि हेड टु हेडमा पछि परेको चर्च ब्वाइजका लागि अन्जन विष्ट र अनन्त तामाङ चोटबाट फर्कनु सुखद बनेको छ । दुवैले एकसाथ खेलेको खेलमा चर्च ब्वाइज अपराजित छ ।
पहिलो लेगमा आर्मीसँग १-० ले हारेयता चर्च ब्वाइजले लिगमा लगातार जित हासिल गरेको छ । आजको खेलमा आर्मीका तीन खेलाडी प्रतिबन्धमा रहनेछन् । तीन पहेंलो कार्डका कारण कप्तान भरत खवास, डिफेन्डर विमल पाण्डे र विंगर सुदिल राई उपस्थित हुने छैनन् । आर्मी यसैपनि पछिल्लो ४ खेलमा जितविहिन छ ।
साँझ ६ बजे दशरथ रंगशालामा नेपाल एपिएफ फुटबल क्लब र सातदोबाटो युवा क्लबबीच खेल हुनेछ । यस खेलमा जित हासिल गर्ने टोलीले शीर्ष ४ मा उक्लने अवसर छ । एपिएफले पछिल्लो ५ मध्य २ खेलमा जित हासिल गरेको छ भने सातदोबाटो पछिल्लो ४ खेलमा जितविहिन छ ।
पहिलो लेगमा सातदोबाटोले १-० को जित दर्ता गरेको थियो । विलियम ओपोकुले सेन्टरबाट गोल गर्दै जित दिलाएका थिए । एपिएफले पछिल्लो खेलमा आर्मीलाई ३-० ले हराउनुअघि लगातार ३ खेल जित्न सकेको थिएन ।
