काठमाडौँ, वैशाख २७ । चालु आर्थिक वर्षको नौ महिना अर्थात चैत्रसम्ममा करिब ९ खर्ब रुपैयाँको रेमिट्यान्स नेपाल भित्रिएको छ ।
केन्द्रिय बैंकले प्रकाशित गरेका चैत्रसम्मको मासिक विवरण अनुसार नौ महिनामा ९ खर्ब ३ अर्ब ३९ करोड रुपैयाँ रेमिट्यान्स नेपाल भित्रिएको हो । यो अघिल्लो वर्षको सोही अवधिको तुलनामा २४.२ प्रतिशतले बढी हो ।
अघिल्लो वर्षको सोही अवधिमा विप्रेषण आप्रवाह ०.२ प्रतिशतले घटेको थियो । अमेरिकी डलरमा विप्रेषण आप्रवाह १३.९ प्रतिशतले वृद्धि भई ६ अर्ब ९२ करोड पुगेको राष्ट्र बैंकले जनाएको छ । अघिल्लो वर्ष यस्तो आप्रवाह १.८ प्रतिशतले बढेको थियो ।
Published Date: 10 May 2023
