काठमाडौं, वैशाख २५ । रफिक एमिनुको दुई तथा सन्तोष खत्रीको एक गोल मद्दतमा फ्रेन्ड्स क्लब कुपन्डोलले सहिद स्मारक ‘ए’ डिभिजन लिगमा एफसी खुमलटारमाथि सहज जित निकालेको छ ।
फ्रेन्ड्सले खुमलटारमाथि ३–१ को सहज जित हात पारेको हो । खुमलटारका मेसुके ओलोमोउले एक गोल फर्काए । च्यासल रंगशालामा सोमबार भएको खेलको चौथो मिनेटमा रफिकको गोलबाट फ्रेन्ड्सले १–० को अग्रता लिन सफल भयो ।
१६औं मिनेटमा रफिकले व्यक्तिगत र टोलीका लागि दोस्रो गोल गर्दै फ्रेन्ड्सको अग्रता दोब्बर पारे । ६७औं मिनेटमा मेसुकेले गोल गर्दै खेललाई २–१ को स्थितिमा ल्याए । तर, ७८औं मिनेटमा सन्तोष खत्रीले गोल गर्दै फ्रेन्ड्सलाई ३–१ को सहज जित दिलाए ।
यस जितसँगै फ्रेन्ड्स १६ खेलबाट १९ अंक जोडेर नवौं स्थानमा उक्लिएको छ । समान १९ अंक नै रहेपनि एपिएफ गोल अन्तरमा पछि छ । पराजित खुमलटार १६ खेलबाट १७ अंक जोडेर रेलिगेसन जोनको १३औं स्थानमा छ ।
Published Date: 08 May 2023
