काठमाडौँ, वैशाख १३ । बुधबार नेप्से परिसूचक १३.६८ अंक घटेर १८९२ विन्दुमा झरेको छ।
नेप्सेसँगै आज कारोबार रकम पनि घटेको छ। अघिल्लो कारोबार दिन ८८ करोड ५५ लाख रुपैयाँ बराबरको शेयर खरिदबिक्री भएको बजारमा आज २६४ स्टकको २३ हजार २६३ पटकको कारोबारमा ८४ करोड २५ लाख रुपैयाँ बराबरको २५ लाख ५७ हजार कित्ता शेयर खरिदबिक्री भएको छ।
आज १३ वटै उपसमूहको परिसूचक घटेको छ। जसमध्ये लगानी उपसमूहको परिसूचक सर्वाधिक १.३३ प्रतिशत घटेको छ। कारोबारमा आएका विकास बैंक र होटल तथा पर्यटन उपसमूहको परिसूचक १ प्रतिशतभन्दा बढी घटेको छ।
Published Date: 26 April 2023
