काठमाडौं, वैशाख ७ । हिमालयन शेर्पा क्लबलाई पराजित गर्दै थ्री स्टार क्लब सहिद स्मारक ‘ए’ डिभिजन लिगमा दोस्रो स्थानमा उक्लिएको छ ।
एन्फा कम्प्लेक्समा बिहीबार भएको खेलमा शेर्पालाई १–० ले पराजित गर्दै थ्री स्टार दोस्रो स्थानमा उक्लन सफल भएको हो । थ्री स्टारको जितमा लाकेन लिम्बुले गरेको गोल नै निर्णायक बन्यो । उनले १४औं मिनेटमा गोल गर्न सफल भएका थिए ।
यस जितसँगै दोस्रो स्थानमा उक्लिएको थ्री स्टारको १० खेलबाट १८ अंक पुगेको छ । एक खेल कम खेलेको सातदोबाटोको १७ अंक छ । पराजित शेर्पा १० खेलबाट ९ अंक जोडेर १३औं स्थानमा छ ।
Published Date: 20 April 2023
