काठमाडौं, चैत १ । संघीय मामिला तथा सामान्य प्रशासन मन्त्रालयले कर्मचारीको विवरण बुझाउन संघीय कार्यालयलाई निर्देशन दिएको छ ।मन्त्रालयले सबै मन्त्रालय, संवैधानिक आयोग र संवैधानिक निकायलाई परिपत्र जारी गर्दै तीन दिनभित्र आफ्ना कर्मचारीको विवरण बुझाउन निर्देशन दिएको छ ।
मन्त्रालयका उपसचिव कमनसिंह थापाले हस्ताक्षर गरेको परिपत्रमा भनिएको छ, ‘मन्त्रालयले संगठनात्मक संरचनाअनुसारको कर्मचारी भर्ना संरचनाअनुसार तीन दिनभित्र संघीय कार्यालयहरूलाई आफ्ना कर्मचारीको विवरण मन्त्रालयको कर्मचारी महाशाखामा बुझाउन भनेको छ । मन्त्रालय र सङ्घीय कार्यालय र सम्बन्धित संवैधानिक निकायबीच सहमति भएको हो ।
परिपत्र मार्फत मन्त्रालयले पद, श्रेणी, सेवा समूह, स्वीकृत पद, भर्ना, रिक्त पद, अस्थायी, सरुवा आदि विवरण समेत माग गरेको छ ।
Published Date: 15 March 2023
