काठमाडौं, फागुन ३० । सरकारले चालु आर्थिक वर्षको पहिलो ६ महिनाको राजश्व संकलनको लक्ष्य आठ महिनामा पनि पूरा गर्न सकेको छैन । चालु आर्थिक वर्षको आठ महिनाको अन्त्यसम्ममा लक्षित राजस्व सङ्कलन र वास्तविक सङ्कलनबीच ठूलो अन्तर छ ।
सरकारले चालु आर्थिक वर्षको पहिलो ६ महिना अर्थात फागुन मसान्तसम्ममा ६ खर्ब ५१ अर्ब रुपैयाँ राजश्व सङ्कलन गर्ने लक्ष्य राखेको थियो । चालु आर्थिक वर्षको आठ महिना सकिन एक दिन मात्र बाँकी रहँदा ५ खर्ब ७१ अर्ब रुपैयाँ मात्रै सङ्कलन भएको छ । सरकारले चालु आर्थिक वर्षको आठ महिनामा लक्ष्यको ४० दशमलव ७ प्रतिशत मात्र राजस्व संकलन गरेको छ ।
महालेखा नियन्त्रक कार्यालयको तथ्यांकअनुसार सरकारले चालु आवको लक्ष्यको ४० दशमलव ७ प्रतिशत मात्रै राजस्व संकलन गरेको छ । सरकारले चालु आवको ६ महिनामा लक्ष्यभन्दा ८० अर्ब रुपैयाँ कम राजस्व संकलन गरेको छ । सरकारले चालु आर्थिक वर्षमा रु एक अर्ब २९५ करोड राजस्व संकलन गर्ने लक्ष्य राखेको छ ।
यस अवधिमा सरकारले ५ खर्ब १६ अर्ब अर्थात ३९ दशमलव ८४ प्रतिशत कर राजस्व संकलन गरेको छ । सरकारले चालु आर्थिक वर्षमा १०७ अर्ब रुपैयाँ गैरकर राजस्व सङ्कलन गर्ने लक्ष्य राखे पनि हालसम्म लक्ष्यको ५१ दशमलव १ प्रतिशत अर्थात् ५४ अर्ब ९७ करोड मात्रै सङ्कलन भएको छ ।
सरकारले चालु आर्थिक वर्षमा अनुदान स्वरुप रु ५५ अर्ब ४५ करोड रुपैयाँ प्राप्त गर्ने लक्ष्य राखेको छ । यस शीर्षकमा हालसम्म लक्ष्यको ८ दशमलव ६६ प्रतिशत अर्थात ४८ अर्ब रुपैयाँ मात्रै अनुदान दिइएको छ । सरकारले चालु आवको ६ महिनासम्मको अवधिमा ४ खर्ब ८३ अर्ब रुपैयाँ राजस्व संकलन गरेको थियो ।
