काठमाडौं, फागुन २५ । नेपाली कांग्रेसका वरिष्ठ नेता रामचन्द्र पौडेल संघीय लोकतान्त्रिक गणतन्त्र नेपालको तेस्रो राष्ट्रपतिका रूपमा निर्वाचित भएका छन् ।
कांग्रेस र नेकपा (माओवादी केन्द्र) सम्मिलित आठ दलीय गठबन्धनका साझा उम्मेदवार रहेका पौडेल कुल ३३ हजार ८ सय २ मत ल्याएर राष्ट्रपतिमा निर्वाचित भएका हुन् । पौडेलले संघीय संसदका २१४ र प्रदेशसभाका ३ सय ५२ सांसदको मत पाएका छन् ।
पौडेलले नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चाको मत पाए ।
