काठमाडाैं, फागुन २५ । राष्ट्रपति निर्वाचनको मतदान प्रक्रिया सकिएसँगै अहिले मतगणनाको तयारी भइरहेको छ । अपराह्न ४ बजेबाट मतगणना सुरु हुने निर्वाचन आयोगले जनाएको छ ।
निर्वाचन आयोगका अनुसार कुनै मतपत्रमा स्वस्तिकको छाप नभएको र उम्मेदवारको नाम लेखिएको कोठामा भोट चिन्ह प्रयोग गरेको पाइएमा त्यस्तो मतपत्र बदर हुनेछ ।
राष्ट्रिय प्रजातन्त्र पार्टी (राप्रपा) र नेपाल मजदुर किसान पार्टीका सांसदहरुले आजको निर्वाचनमा मतदान गरेनन् ।
मतगणनामा राष्ट्रपतिका प्रत्येक उम्मेदवारको मतगणना प्रतिनिधि हुनेछ। नेपाली कांग्रेसका उम्मेदवार रामचन्द्र पौडेलका तर्फबाट रमेश उख्तर र एमालेका सुवास नेम्वाङका तर्फबाट महेश बेर्तुलालाई प्रतिनिधित्व गर्ने निर्णय भएको छ ।
आठ दलीय गठबन्धनको तर्फबाट सभापतिका लागि नेपाली कांग्रेसका नेता रामचन्द्र पौडेल र नेकपा (एमाले)का उपाध्यक्ष सुवास नेम्वाङबीच प्रतिस्पर्धा छ ।
