काठमाडौं, फागुन २५ । सरकारले आज संसदमा संशोधित सत्य निरुपण तथा मेलमिलाप विधेयक दर्ता गर्दैछ । बिहीबार बिहान बसेको मन्त्रिपरिषद् बैठकले यस्तो निर्णय गरेको हो ।
प्रधानमन्त्री पुष्पकमल दाहाल विरुद्ध सर्वोच्च अदालतमा मुद्दा परेपछि सरकारले विधेयकमा चासो देखायो । उक्त मुद्दाको पहिलो सुनुवाइ आज सर्वोच्च अदालतमा तोकिएको छ ।
मंगलबार बसेको माओवादी समूहका आठ दलको संयुक्त बैठकले सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगमार्फत संक्रमणकालीन न्यायसम्बन्धी सबै समस्या समाधान गर्ने निर्णय गरेको थियो ।
Published Date: 09 March 2023
