काठमाडौं, चैत १२ । साताको अन्तिम कारोबार दिन बिहीबार सेयरबजार पपिरसूचक नेप्से दोहोरो अंकले बढेको छ । आज नेप्से १४.२१ अंकले बढेर २ हजार ९५०.१६ विन्दुमा कायम भएको हो । आज सेयरबजारमा ३४३ कम्पनीका सेयर कारोबार भएका छन् ।
यी मध्ये १७८ कम्पनीका सेयरमूल्य बढेका छन् भने ८० कम्पनीका सेयरमूल्य घटेका छन् । आज सेयरबजारमा ३ करोड ४ लाख ३८ हजार ३१५ कित्ता सेयर १३ अर्ब १६ करोड २२ लाख ९९ हजार रुपैयाँमा किनबेच भएको छ । कारोबार रकम बुधबारको तुलनामा १२.७८ प्रतिशतले कमी हो ।
सेयरबजारमा सूचीकृत समूहको समूहगत परिसूचकमध्ये विकास बैंक, जीवन बीमा तथा व्यापार समूहको परिसूचक घटेका छ । म्युचुअल फण्ड समूहको परिसूचक भने स्थिर रहेको छ । बाँकी सबै समूहका परिसूचक बढेका छन् । सबैभन्दा धेरै जलविद्युत समूहको परिसूचक १.५६ प्रतिशतले बढेको छ ।
रिलायन्स् स्पिनिङ् मिल्स्, सुपर खुदी हाइड्रोपावर तथा होटेल फरेष्ट इनको सेयरमूल्यमा सकारात्मक सर्किट लागेको छ । पञ्चकन्यामाई हाइड्रोपावर लिमिटेड, सिन्धु विकास बैंक तथा कर्पोरेट डेभलपमेन्ट बैंकका सेयरधनीले सबैभन्दा बढी गुमाएका छन् ।
Published Date: 26 March 2026
