भक्तपुर, फागुन २३ । प्रतिनिधिसभा निर्वाचन २०८२ अन्तर्गत भक्तपुर क्षेत्र नं. १ मा राष्ट्रिय स्वतन्त्र पार्टी (रास्वपा) का उम्मेदवार रुकेश रंजित विजयी भएका छन्। उनले ३३ हजार ४३६ मत प्राप्त गर्दै प्रतिनिधिसभा सदस्यमा निर्वाचित भएका हुन्।
निर्वाचनमा नेपाल मजदुर किसान पार्टी (नेमकिपा) का उम्मेदवार प्रेम सुवालले २८ हजार १४७ मत प्राप्त गरेका छन्। रंजित र सुवालबीच अन्तिमसम्म कडा प्रतिस्पर्धा देखिएको थियो।
यस निर्वाचन परिणामसँगै भक्तपुर–१ मा नेपाल मजदुर किसान पार्टीको लामो समयदेखिको राजनीतिक विरासत तोडिएको छ। यसअघि सो क्षेत्रमा नेमकिपाले लगातार प्रभाव कायम राख्दै आएको थियो। तर यसपटक मतदाताले नयाँ विकल्पतर्फ झुकाव देखाउँदै रास्वपाका उम्मेदवार रंजितलाई विजयी बनाएका हुन्।
निर्वाचन परिणाम सार्वजनिक भएसँगै समर्थकहरूले विभिन्न स्थानमा विजय उत्सव मनाउन थालेका छन्। स्थानीयस्तरमा भने यो परिणामलाई भक्तपुरको राजनीतिमा नयाँ मोडका रूपमा पनि हेरिएको छ।
Published Date: 07 March 2026
