काठमाडौं, फागुन १९ । २१ फागुनमा हुने प्रतिनिधि सभा सदस्य निर्वाचनलाई लक्षित गर्दै वीर अस्पतालले सम्भावित स्वास्थ्य आपतकालीन अवस्थाको सामना गर्न २६ सदस्यीय ‘र्यापिड रेस्पोन्स टिम’ (आरआरटी) गठन गरेको छ ।
अस्पतालका अनुसार आकस्मिक विभाग प्रमुख डा. सुरेशप्रसाद नेपालको संयोजकत्वमा रहेको विशेषज्ञ चिकित्सक, नर्सिङ तथा औषधि व्यवस्थापनसम्बन्धी टोली निर्वाचन अवधिभर ‘हाइ अलर्ट’मा रहनेछ ।
निर्वाचनका क्रममा हुन सक्ने दुर्घटना, झडप वा आकस्मिक स्वास्थ्य समस्याको तत्काल उपचारका लागि आवश्यक जनशक्ति, औषधि र उपकरण तयारी अवस्थामा राखिएको अस्पताल निर्देशक डा. दिलीप शर्माले जानकारी दिए ।
Published Date: 03 March 2026
