काठमाडौँ, फागुन १९ । मंगलबार सेयरबजार परिसूचक नेप्से दोहोरो अंकले बढेको छ । आज नेप्से ३८.५२ अंकले बढेर २ हजार ७१२.४९ विन्दुमा कायम भएको छ । आज सेयरबजारमा ३२९ कम्पनीका सेयर कारोबार भएका छन् । यी मध्ये २५४ कम्पनीका सेयरमूल्य बढेका छन् भने ६ कम्पनीका सेयरमूल्यमा गिरावट आएको छ ।
आज सेयरबजारमा १ करोड ५१ लाख ८४ हजार ६०७ कित्ता सेयर ६ अर्ब २३ करोड ४३ लाख ८१ हजार रुपैयाँमा किनबेच भएको छ । कारोबार रकम आइतबारको तुलनामा १०.३८ प्रतिशतले बढी हो । आज सेयरबजारमा सूचीकृत व्यापार बाहेक अरु बाँकी सबै समूहका परिसूचक बढेका छन् ।
सबैभन्दा धेरै जलविद्युत समूहको परिसूचक २.१३ प्रतिशतले बढेको छ । सालपा विकास बैंक, पञ्चकन्यामाई हाइड्रोपावर तथा रिलायन्स् स्पिनिङ् मिल्स्का सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने सुभम पावर लिमिटेड, एसविएल डिवेञ्चर तथा एनआईसी एसिया ऋणपत्रमा लगानीकर्ता रहेका छन् ।
Published Date: 03 March 2026
