काठमाडौं, माघ २ । काठमाडौं महानगरपालिकाका नगर प्रहरी प्रमुख राजु पाण्डेले शुक्रवार आफ्नो पदबाट राजीनामा दिएका छन् । पाण्डेले महानगरपालिकाका प्रमुख प्रशासकीय अधिकृत सरोज गुरागाईंसमक्ष राजीनामा बुझाएका हुन् ।
पाण्डे आगामी फागुन २१ गते हुने प्रतिनिधिसभा निर्वाचनमा काठमाडौं क्षेत्र नम्बर ४ बाट उम्मेदवार बन्ने तयारीमा रहेको बताइएको छ । उनले यसअघि नै महानगर प्रमुख बालेन साह (बालेन) ले राजीनामा दिनुअघि आफूले पद छाड्ने तयारीमा रहेको सार्वजनिक रूपमा बताउँदै आएका थिए ।
यसैबीच, काठमाडौं महानगरपालिकाका मेयर बालेनले पनि आगामी प्रतिनिधिसभा निर्वाचनमा झापाबाट उम्मेदवारी दिने तयारीमा रहेको चर्चा छ । उनले पनि केही दिनमै मेयरको पदबाट राजीनामा दिन लागेको चर्चा छ ।
