काठमाडौँ, माघ १ । सरस्वती माताको स्तुतिमा तयार गरिएको गीत ‘विद्याकी देवी सरस्वती माता’ माघ ४ गते (आइतबार) सुरज कपालीको युट्युब च्यानलमार्फत सार्वजनिक हुने भएको छ ।
गीतमा सानु मैयाँ धौभडेल र सुरज कपालीको स्वर रहेको छ । बद्री नारायण ताम्रकारको संगीत तथा कपिल कस्पालको शब्द रहेको गीतलाई बुद्ध सायमीले एरेञ्ज गरेका हुन् । तबलामा गौतम श्रेष्ठको साथ रहेको छ भने स्टुडियो पार्टनरका रूपमा अडियो नेपाल रहेका छन् ।
आशिष नापितको निर्देशनमा तयार गरिएको गीतको भिडियोमा सजन् ख्याजु, कृजल न्हुच्छेँ प्रधानले छायांकन गरेका छन् । भिडियोमा अलिशा गरु, कृशला मथ्या र सकिरा प्रजापतीले अभिनय गरेका छन् । नृत्य संयोजन डाइनामिक डान्स डेस्टिनेसनले गरेको छ भने मेकअप सृजली कोजुले गरेकी छन् ।
Published Date: 16 January 2026
