भक्तपुर, असार २० । ख्वप माध्यमिक विद्यालय, देकोचा, भक्तपुरले शैक्षिक सत्र २०८२ का लागि कक्षा ११ मा भर्ना प्रक्रिया सुरु गरेको छ। “देश र जनताप्रति समर्पित” उद्घोष सहित सञ्चालनमा रहेको विद्यालयले विज्ञान, व्यवस्थापन, मानविकी, शिक्षा र कानुन संकायमा अध्ययनको अवसर प्रदान गर्दै भर्नाका लागि आह्वान गरेको हो।
विद्यालय प्रशासनका अनुसार ख्वप माध्यमिक विद्यालयले गुणस्तरीय र व्यवहारिक शिक्षालाई प्राथमिकता दिँदै आएको छ। विद्यालयमा अनुभवी तथा दक्ष शिक्षकहरूद्वारा सञ्चालित कक्षा, आधुनिक प्रविधिसम्पन्न प्रयोगशाला, पुस्तकालय र शान्त वातावरणमा अध्ययन गर्न सकिने सुविधा उपलब्ध छ।
विज्ञान संकायमा प्रयोगात्मक अध्ययनलाई प्राथमिकता दिइएको छ भने व्यवस्थापन र कानून संकायमा केस स्टडी, मूट कोर्ट अभ्यास, तथा प्रस्तुतीकरणजस्ता व्यावसायिक सीप विकासमूलक कार्यक्रमहरू सञ्चालन गरिँदै आएको विद्यालयले जनाएको छ। मानविकी र शिक्षा संकायमा पनि सामाजिक अनुसन्धान र परियोजनामुखी सिकाइलाई समावेश गरिएको छ।
विद्यालयले विद्यार्थीहरूको शैक्षिक मात्र नभई सामाजिक, नैतिक र सिर्जनात्मक पक्षको विकासमा पनि जोड दिएको बताइएको छ। अतिरिक्त क्रियाकलाप, सेमिनार, नेतृत्व विकास तालिम लगायतका कार्यक्रमहरू निरन्तर सञ्चालन हुँदै आएका छन्।
नगरपालिकाको सामाजिक उत्तरदायित्व अन्तरगत सञ्चालित ख्वप माध्यमिक विद्यालयले सुलभ शुल्कमा गुणस्तरीय शिक्षा उपलब्ध गराउँदै आएको छ। अभिभावकहरूले राज्यको शिक्षालाई विश्वास गर्न सकून् भन्ने उद्देश्यले विद्यालयले लागत प्रभावकारी प्रणाली अनुरूप सेवा दिँदै आएको छ।
भर्नासम्बन्धी जानकारीका लागि इच्छुक विद्यार्थी तथा अभिभावकहरूले विद्यालयको वेबसाइट www.khwopahss.edu.np, फेसबुक पेज (facebook.com/khwopahss), इमेल [email protected] तथा फोन नम्बर ९७४१८१११७८, ९७४१८१११७९ वा ९७४१८१११८० मा सम्पर्क गर्न सक्नेछन्।
प्रथम चरणको प्रवेश परीक्षा भोलि शनिबार बिहान ८ बजेदेखि १० बजेसम्म संचालन हुनेछ।
