आज बिस्का: जात्राको अन्तिम दिन द्य: थाहाँ बिज्याइगु दिन

भक्तपुर, वैशाख ५ । भक्तपुरमा गत चैत २७ गतेदेखि सुरू भएको आठ रात नौ दिन लामो विश्व प्रसिद्व ऐतिहासिक बिस्का: जात्रा आजबाट समापन हुँदैछ।

अहिले बिहान चैतको ३० गते तालाक्वा टोलमा उठाइएको ल्हाःमरु योसीं ढाल्ने जात्रा सम्पन्न हुँदैछ र साँझतिर गःहिटीबाट भैरव भद्रकालीको रथ तानी टौमढी पुर्याएपछि एक बर्षको विस्का जात्रा सम्पन्न हुन्छ ।

उपत्यकामा मनाउने प्राय संस्कृति एवम संस्कारहरु चन्द्रमाको गतिलाई आधार बनाई चल्दै आएको भएतापनि बिस्का जात्रा सुर्यको गतिलाई आधार बनाई चल्दै आएको छ । तसर्थ प्रत्येक वर्ष यो जात्रा चैत्रको २७ वा २८ गते शुरु भई बैशाख ५ गते सम्पन्न हुन्छ ।