बलिउड अभिनेता वरुण धवन घाइते

मुम्बई, फागुन ७ । बलिउड अभिनेता वरुण धवन घाइते भएका छन् ।

फिल्म बोर्डर २ को छायाङ्कनको क्रममा उनी घाइते भएका हुन् । आफूलाई चोट लागेको तस्बिर उनले सामाजिक सञ्जालमा पनि सेयर गरेका छन् । इन्स्टाग्राम स्टोरीमा सेयर गरिएको तस्बिरमा वरुण धवनको औँला गहिरो गरी काटिएको देखिन्छ । अभिनेता हिजोआज झाँसीमा बोर्डर २ को छायाङ्कनमा व्यस्त छन् ।

सामाजिक सञ्जालमा सेयर गरिएको फिल्मको लन्चको तस्बिरमा निर्देशक अनुराग सिंह, निर्माता भूषण कुमार, निधि दत्ता र सहनिर्माता शिव चनाना र बिनय गान्धी पनि देओलसँग पोज दिइरहेको देखिन्थ्यो । बोर्डर २ मा सनी देओलको चरित्र कस्तो हुनेछ भन्ने कुरा अझै तय भएको छैन । सनी देओल र वरुण धवनले फिल्मको छायाङ्कन सुरु गरिसकेका छन् ।

दिलजीत दोसांझले अहिलेसम्म फिल्मको छायाङ्कन सुरु गरेका छैनन् । उनी चाँडै टोलीमा सामेल हुने बताइएको छ । बोर्डर २ बहादुरी र साहसको कथा हुनेछ । निर्माताहरू यस फिल्मलाई पहिलो फिल्म जस्तै भव्य बनाउन खोजिरहेका छन् । रिपोर्टहरूलाई विश्वास गर्ने हो भने, यो फिल्म आगामी वर्ष गणतन्त्र दिवसको दिनमा जनवरी २३ मा रिलिज हुनेछ ।