भक्तपुर, माघ ४ । भक्तपुरको मनहरा खोलामा एक पुरुषको शव भेटिएको छ । शुक्रबार बिहान करिब ११ः२५ बजेको समयमा भक्तपुरको मध्यपुर ठिमी नगरपालिका–१ मनहरा स्थित वीपी आँखा अस्पताल नजिक मनहरा खोलामा ती पुरुषको शव फेला परेको हो ।
अन्दाजी ४०-४५ वर्ष जतिको देखिने यकिन नाम थर वतन नखुलेको, अन्दाजी ६ फिट उचाई भएको पुरुषको शव फेला परेको जिल्ला प्रहरी परिसर भक्तपुरका सूचना अधिकारी, डीएसपी ढुण्डीराज नेउपानेले बताए । कालो पाइन्ट, कालो सर्ट र एमिनिटी स्कूल तेस्रेटार भक्तपुर लेखिएको स्कुल बेल्ट लगाएको हुलिया भएको डीएसपी नेउपानेले जानकारी दिए ।
Published Date: 17 January 2025
