काठमाडौं, मंसिर २४ । सेयर बजारमा गिरावट आउने क्रमले सोमबार पनि निरन्तरता पाएको छ । आज नेप्से परिसूचक १२.८७ विन्दुले घटेर २६७६.१२ अंकमा आएर अडिएको छ । ५ अर्ब ६२ करोड रुपैयाँभन्दा बढीको सेयर कारोबार भएको छ ।
आज ३१७ कम्पनीको १ करोड १५ लाखभन्दा बढी कित्ता सेयर कारोबार भएको छ । ३५ करोड २७ लाख रुपैयाँभन्दा बढीसहित कारोबार रकममा एनआरएन इन्फ्रास्टक्चर अग्रस्थानमा रहेको छ ।
यस्तै, हिमालयन डिष्टिलरी र जोशी हाइड्रोपावर क्रमशः दोस्रो र तेस्रो स्थानमा रहेका छन् ।
Published Date: 09 December 2024
